السلام عليكم يا احباب ويا أصحاب ويا اخوان ويا كل من يهمه امر الشاب الخلوق ذو السمعه الطيبه احمد محمد عبدالهادي
سأكتب هذا المنشور شهاده لله وذلك في قضية مقتل عامر السكران رحمه الله وماهي دوافع القتل برغم انني لا ابرر له القتل ولكن عشان الناس الي هي مش من كريتر ما تعرف من هو عامر ومن هو أحمد ومن خلال مقطع الفيديو حللوا أن احمد هو المجرم وهو القاتل الذي لا يرحم وهم مايعرفوش ايش الأسباب وما هو الموضوع من اساسه وما فيه انه اثنينهم من عيال حافة الشيخ عبدالله بكريتر وهم جيران.
و احمد يوم بنته الصغيره مرضت طلب من عامر مفتاح السياره عشان يسعفها احمد سعف بنته ودحش بصدام حق عامر رجع عامر طلب من أحمد صدام جديد احمد قله ولايهمك ياعامر جابله صدام عامر رفضه قله مش وكاله عامر قله انا معي صاحبي بالسعوديه اعتقد اسمه بن طهيف قله احمد طيب المهم عامر قله انه بيكلف مبلغ قله احمد تمام رجع قله باقي العظمات وزيد المبلغ وبعدين برضه نكش له حاجه ثاني ووافق احمد وقله ياعامر لاهنا وكفايه.
المهم جابله 1200 سعودي وكان بينهم وسيط من عيال الحافه وكمان احمد كلم معين اخوه قله راجع اخوك يامعين عيب الي يسويه قله ونته كمان جبله حقه المهم عامر رفض المبلغ هذا وجدله لفوق الوسيط قله 1800 حقي ولا اخرج منه عامر بدى يتجبر ع احمد زياده قله إذا مابيجيب 1800 انا برويه قله الوسيط ياعامر الي بينك وبين احمد مش قليل لأنهم كانو أصحاب وجيران بينهم جدار راح عامر معه جنبيه بيخزق السياره حق البيت الهادي مسكوه الشباب وهدوه المشكله ذي جلست قرابت شهر ع موضوع الصدام.
الى يوم الحادثه اول ايام العيد كان احمد مع الشباب مخزن وعامر اجا قله بتجيب 1800 ولا لا قله احمد معك 1200 وبالزياده وفوق المتفق عليه ياعامر هنا عامر قام ردع احمد بنخرته غدر وسب له الدين وسب الله عزوجل واستوى بينهم اشتباك بالايادي خفيف وفرعوهم العيال وقالوا لأحمد روح البيت وفعلا احمد روح البيت عامر جلس يهدده بالقتل بالرسائل وجمب الشباب وانه اليوم باسيل دمك جلس كل شويه يوصي لأحمد واحد من الشباب ينزل وكانوا يقولوا له مش موجود مقتنعش بكلامهم.
راح لباب بيت احمد الهادي يسبه ويقدف امه وعرضه بالسب جلس عامر رايح و واجي ع بيت أحمد ناوي شر والمعروف من عامر انه لما يشتي شي براسه يسويه عناد وتجبر.
هنا نزل احمد وحصل الي حصل
سوابق عامر كثيره و اغلب أهالي كريتر يعرفوها مع الناس ومع اهله حتى اهله ماسلموا من شره بس ذونا قدهم اهله.
رابطة ريال مدريد اليمنية تسعى لحضور نهائي كأس القارات للأندية
لكن مع الناس كانت اذيته كثير منها
ضرب علي العزيبي برجله وهو جالس مخزن
وغامد غدره برجله من الخلف
وعادل مهندس مكانيك انسان عمره فوق الخمسين اجا ودكمه بعينه وكان بيده خاتم خرج له عينه
والمقوت الضالعي بسوق القات واحد ضعيف الجسم خبطه براسه بحديد لما دخله انعاش
المعروف ع المقتول رحمه الله كان غدار وعنادي يشتي كلامه مالوش كبير يردعه ولا يحترم احد
خلاصة الموضوع انه احمد حاول يدفع عن نفسه الشر والاذى بكل الطرق أعطاه قيمة الصدام حاولوا عيال الحافه يدخلوا بينهم مارضاش قال 1800 والا محد له حاجه عندي وانا عامر السكران بعرف اخرج حقي والمعروف انه لما اي واحد يروح يشتكي فيه عند إخوانه يقولوا مالناش دخل يهربوا نفوسهم لانه يعرفوا انه اخوهم ماينطرف بدون سلاح طبعا للعلم احمد كان صديق عامر وكان معه نعم الأخ والصديق قبل سنوات حصل لعامر مشكله في الممداره مع واحد اسمه صالح وضرب عامر وجلس انعاش فتره وبعدين طلعوه الهند يتعالج وهذه شهاده لله انه حينها كان مع احمد سياره إلنترا باعها واعطاله 1500 دولار رجاله منه ولما رجع من الهند كان أحمد هو من يشله بسيارته ويروح يصفي له جراحه وعزكم الله كان يغير له الحفاظات ويغسله الاذى وفي آخر مشكله له مع المقوت الاخيره استجن عامر حوالي 5 أشهر كان أحمد يزوره ويجيب له الغداء والعشاء من بيته كان معه اكثر من أخ بس للاسف عامر ماعمل للعيش والملح والوفاء هذا اي حساب احمد ولد خلوق وانسان شهم ورجل وصاحب مواقف مع الكل وانسان طيب مش مؤذي واول مره تحصله معه مشكله زي كذا ويدخل فيها سلاح لكن أقدار الله كانت سباقه نسال ان يرحم عامر وان يتجاوز عنه وان يفك كربة الأخ أحمد ويفرج همه.
وحسبنا الله ونعم الوكيل
ولا حول ولا قوة إلا بالله
