أ.بشير سنان – عقب 8 سنوات هل الصور الواردة من صنعاء تعني ( نهاية الحرب اليمنية ) ؟
حي على السلام , بعد ثمان سنوات حرب , من يكره هذي العبارة ؟ بلا شك مش عاقل , وبيكون مستفيد من الحرب , وأحد تجارها , وتفاجأ باللي حصل !
طيب هل الصور الواردة من صنعاء تعني (نهاية الحرب ) ؟
ايوه .. لا .. لا .. ايوه !!
كيف لا تتوهنا ؟
طيب اسمعوا معي؛ جماعة (ايوه) بقول لكم كيف !
رفع التحالف يده عن اليمن بهروب قيادته لـ (سلام وهمي ) ينهي ٨ سنوات صرف دون فائدة صبت معظمها لجيوب حكومة السرق في المهجر أول خطوات السلام!
اه والله , قبل فترة تشرفت بزيارة مصنع لأحد كبار مسؤولي الشرعية في دولة اسيوية وكان ودي نتناقش عن البلاد والعباد رجعنا نتناقش عن الاستيراد والتصدير !!
نرجع لموضوعنا .. رفع السامان بيخلي الديربي ( يمني – يمني ) بدون أدوات خارجية والبقاء للأقوى .. ولا تقول لي هذا الطرف أقوى من هذا الطرف لأن البلاد غرقت بـ السلاح , وبالتالي أي فرص (سلام) ستكون منعدمة مع هذا الخيار ! الا بوصول طرف لكامل السلطة !
البيتكوين يتجاوز 97 ألف دولار: آمال جديدة في سوق العملات المشفرة
القناة الفورية على التيليجرام: هنا
جماعة ( لا ) هذولا عقائدين في الطرفين , ويعتبروا ان الحرب بدأت , بس الاثنين سع الشيبة اللي عمره ثمانين وتزوج عشرينية , ويشتي حبتين فياجرا يتخارج ليلة الدخلة!
مش مهم يموتوا كم مليون جمب اللي ماتوا , مش مهم الريال اليمني يرجع مثل الليرة اللبنانية قدام الدولار , مش مهم اي حاجة , المهم يغرد ويفسبك لوما يحلها الباري !!
لا تزعلوش .. استثني منهم جزء يحلم بالمواطنة وبدولة لا تفرق بين اليمني واليمني وهم موجودين في الطرفين , بس ما بيدهم القرار !
طيب والخلاصة : ” الخلاصة تقول ان السعودية معها ما هو أهم , رؤية ٢٠٣٠ والتنمية الاقتصادية, واحتلال الريادة في المنطقة , مش فاضية لمشاكل اليمنيين وكان لا بد من وصول السفير ال جابر الى صنعاء (غبنة) مثل لما تبيع بيتك بسبب جارك المؤذي حتى لو غلبت في البيعة “!
الدم,اء , الشهداء , الأرواح , المرت,زقة , عملاء العطوان , الرواف,ض , المج,وس كلها مصطلحات ضحكوا بها علينا الطرفين , وكم من راس قرح وراء هذي الشعارات , والدليل ان اليوم كلهم (مرحبين) (ركزوا كلهم) ولا نخس .. رخاص رخاص رخاص !
طيب والنهاية , النهاية يا صاحبي مثل ما قلت لك في البداية , خروج التحالف بيقرب الحسم , بوصول طرف واحد فقط للنهائي , بعد تصبين داخلي بيسيل فيه ال,دم للركب !
وبعدين ؟ وبعدين لما يوصل طرف واحد بيكون غريم للشعب , الجاوع , المريض , الموظف , المغترب , الساكت , المحايد , المظلوم , المسج,ون , كلهم شخرجوا من سباتهم العميق ! ويأكلوا الأخضر واليابس – اذا ما اعتدل – ولو بعد حين !
خواتم مباركة
